சவூதி நாட்டின் இளவரசர் வலீத் பின் தலால் பின் அப்துல் அஸீஸ் அல் சௌத் மீண்டும் இலங்கையில் பாரிய முதலீடு செய்வதற்கு இணக்கம் தெரிவித்துள்ளார். இதன் நிமித்தமாக இம்மாதத்தில் இடம்பெறும் இளவரசர் அவர்களின் இலங்கை விஜயத்தை இலங்கைக்கான சவூதி தூதரகமும் ஊர்ஜிதம் செய்துள்ளதுடன், இளவரசரின் விஜயம் குறித்த ஏற்பாடுகளை இலங்கைக்கான சவூதி தூதுவர் அஸ்மி தாஸிம் மேற்கொண்டு வருகிறார்.
அந்த வகையில், இளவரசர் வெகு விரைவில் இலங்கைக்கு விஜயம் மேற்கொண்டு, அரசின் முக்கியஸ்தர்கள் மற்றும் உயரதிகாரிகளுடன் செயற்திறன் மிக்க ஆக்கபூர்வமான இரு தரப்புப் பேச்சுக்களை மேற்கொள்ளவுள்ளதாக இலங்கையின் இன நல்லுறவு தொடர்பான தேசிய வேலைத் திட்டத்தின் தலைவர் அஷ்ஷேய்க். அப்துல் காதர் மசூர் மௌலானா தெரிவித்துள்ளார்.
சுனாமி அனர்த்தத்தின் போது 17 மில்லியன் பெறுமதியான உதவிகளை இளவரசர் இலங்கைக்கு வழங்கியுள்ளார் என்பதும் குறிப்பிடத்தக்கதாகும்.
சர்வதேச ரீதியிலே பல்வேறுபட்ட அபிவிருத்திப்பணிகளில் ஈடுபாடு கொண்ட இளவரசர் இலங்கையிலும் முதலீடு செய்ய விருப்பம் தெரிவித்துள்ளார். இவ்விருப்பமானது இலங்கையினுடைய பொருளாதாரத்தில் பாரிய வளர்ச்சியை தோற்றுவிக்கும். இளவரசரின் பயணத்தின் போது ஜனாதிபதி, பிரதமர் மற்றும் வெளிவிவகார அமைச்சர் மங்கள சமரவீர,அபிவிருத்தி மூலோபாய சர்வதேச வரத்தக அமைச்சர் மலிக் விக்ரமசிங்க ஆகியோரை இளவரசர் சந்திக்கவுள்ளார். மேலும்,இலங்கை அரசாங்கத்துடன் பேச்சுவார்த்தை மேற்கொண்டு, இலங்கையின் பொருளாதார வளர்ச்சிக்கு தன்னுடைய முழுப்பங்களிப்பைச் செய்வதாக உறுதியளித்தார்.
இலங்கையில் அந்நியச் செலவாணியில் சவூதியில் இருந்து 62 வீதத்திற்கும் அதிகமான வருமானம் கிடைக்கிறது. அது மட்டுமல்லாமல் சவூதி அரசானது நன்கொடை எனும் அடிப்படையில் இலங்கையில் பல பாரிய அபிவிருத்தி திட்டங்களை செய்துள்ளது. இவ்விடயங்களில் சவூதி அரச பரம்பரையும் இளவரசரும் கூடிய கரிசனை செலுத்தி வருவது வரவேற்கத் தக்கதாகும்.
தனியே முஸ்லிம்களுக்கு மாத்திரமல்லாமல், அனைத்து மதம் சார்ந்த மக்களுக்கும் சவூதி நாட்டின் உதவிகள் இன்றியமையாத ஒரு தேவையாக அமைந்திருப்பது நிதர்சனமாகும். இலங்கை மற்றும் சவூதிக்கான நட்புறவு இன்று நேற்றல்ல பல வருடங்களாக சுமூகமான முறையில் அமையப் பெற்றுள்ளமை எமது இலங்கை மக்களுக்கு கிடைத்த வரப்பிரசாதமாகும்.
மேலும் அண்மைக் காளங்களில் சவூதி இளவரசர் வலீத் பின் தலால் பின் அப்துல் அஸீஸ் அவர்கள் இஸ்ரேலின் தூதுவராக செயற்படுகிறார் என ஊடகங்களில் பரவும் செய்தியானது உண்மைக்கு புறம்பானதாகும். இஸ்ரேலை பலமாக எதிர்க்கும் நாடுகளில் சவூதி முன்னிலை வகிப்பது அனைவருக்கும் தெரிந்த விடயமாகும். இளவரசர் அவர்களின் நற்பெயருக்கு களங்கம் ஏற்படுத்தும் வகையில் இவ்வகையான அடிப்படையற்ற வதந்திகள் பரவுவதை முஸ்லிம்கள் நம்பக் கூடாது என்பதை இவ்விடத்தில் ஆணித்தரமாக தெரிவித்துக் கொள்ள விரும்புகிறேன்.
மேலும், விரைவில் இலங்கைக்கு விஜயம் செய்யவிருக்கும் இளவரசர் அவர்களின் வருகையை பயன்படுத்தி நாம் நாட்டிற்கு பாரிய அபிவிருத்தி மற்றும் முதலீட்டு நடவடிக்கைகளை ஆரம்பிக்க அனைவரும் ஒத்துழைப்பு நல்க வேண்டும். அரசியல் பேதமின்றி இவ்வகையான இணக்கப்பாடுகள் தொடரும் போது நாடு இன்னுமின்னும் முன்னேற்றப் பாதையில் பயணிக்கும் என்பதில் எவ்வித ஐயமுமில்லை என்பதை முன் மொழிய விரும்புகிறேன்.
ஊடகப் பிரிவு
அஷ்ஷேய்க். அப்துல் காதர் மசூர் மௌலானா
சமூக சிந்தனையாளர்,
இன நல்லுறவு தொடர்பான தேசிய வேலைத்திட்டத்தின் தலைவர்.
அநுராதபுர மாவட்ட கெபிதிகொல்லாவ கல்வி வலயத்திற்குட்பட்ட உடும்புகல அல் ஹிக்மா முஸ்லிம் பாடசாலையில் முன்னைய அதிபர் N.P.அஜ்மல் கான் அவர்களுக்கு அவரது அதிபர் சேவையைப் பாராட்டி பாடசாலை சமூகம் விழாவொன்றை இன்று ஏற்பாடு செய்திருந்தது.
இப்பாடசாலையில் சுமார் ஒரு தசாப்த காலமாக அதிபர் சேவையை செய்திருப்பதோடு மிகவும் பின்தங்கிய இப்பிரதேச பாடசாலைக்கு அயராது உழைத்து வளங்களை பெற்றுக் கொடுத்ததோடு இக்கிராம வளப்படுத்தலிற்கும் முன்னோடியாக திகழ்ந்த அதிபராகப் பார்க்கப்படுகின்றார்.
பாடசாலையின் புதிய அதிபர் S.H.A.றஷீட் மற்றும் ஆசிரியர் குழாம் ,பாடசாலை மாணவர்கள்,பெற்றோர்களால் இவ்விழா ஏற்பாடு செய்யப்பட்டிருந்தது.இந்நிகழ்வில் ஏற்புரை நிகழ்த்தும் வாய்ப்பும் முன்னைய அதிபருக்கு வழங்கப்பட்டிருந்தது.
அப்போது ஒரு சில கருத்துக்களையும் முன்வைத்தார்.ஒரு நிர்வாகியாக செயற்பட சந்தர்ப்பம் கிடைக்கும் போதுதான் நிறைய கசப்பான அநுபவங்கள் பெற முடிகிறது.அப்போது நாம் புரிந்துணர்வுடன் ஒரு சகோதரனாக செயற்பட வேண்டும்.பின்னர்தான் ஒரு அதிபராக செயற்பட வேண்டும். இல்லையெனில் பாடசாலைகளில் எதிர்பார்க்கப்படும் அடைவுகள் நோக்கி நகர முடியாது என்றார்.
மிகச் சிறப்பாக நடைபெற்ற இச்சேவை நலன் பாராட்டு விழாவிலே பாடசாலை சமூகம் சார்பாக நினைவுப் பரிசில்களும் வழங்கப்பட்டு முன்னைய அதிபர் கௌரவிக்கப்பட்டார்.
திருமணத்துக்கு மறுத்த கள்ளக்காதலியை அவரது கள்ளக்காதலன் கொடூரமாக கொலை செய்த சம்பவமொன்று மும்பையில் இடம்பெற்றுள்ளது.
மும்பை கோவண்டி பைங்கன்வாடி, பாரத்நகர் குடிசைப்பகுதியை சேர்ந்தவர் சபிக் ஜாபர்சேக் (28). இவருக்கு திருமணமாகி மனைவி, குழந்தை உள்ளனர்.
இந்நிலையில் அதே பகுதியை சேர்ந்த நூர்பானு (28) என்ற பெண்ணுடன் இவருக்கு கள்ளத்தொடர்பு ஏற்பட்டுள்ளது.
நூர்பானுக்கும் திருமணமாகி கணவர், குழந்தைகள் உள்ளனர். இந்த நிலையில், நூர்பானு தனது கணவரை விவாகரத்து செய்து விட்டு உன்னை திருமணம் செய்து கொள்கிறேன் என்று சபிக் ஜாபர்சேக்கிடம் கூறியுள்ளார்.
இதையடுத்து நூர்பானுவை இரண்டாவதாக திருமணம் செய்து கொள்ள சபிக் ஜாபர்சேக் முடிவு செய்துள்ளார். இந்நிலையில் அவரது கணவரை விவாகரத்து செய்யுமாறு நூர்பானுவிடம் சபிக் ஜாபர்சேக் தெரிவித்துள்ளார்.
ஆனால் நூர்பானு அவரது கணவரை விவாகரத்து செய்யாமல் மறுத்து வந்துள்ளார். இது சபிக்ஜாபர்சேக்குக்கு ஆத்திரத்தை ஏற்படுத்தியுள்ளது.
இதனையடுத்து நூர்பானுவை சந்திக்க வருமாறு சபிக் அழைத்துள்ளார். இந்நிலையில் கடந்த வாரம் இருவரும் அங்குள்ள மைதானத்தில் சந்தித்து பேசியுள்ளனர்.
அப்போது, தன்னை திருமணம் செய்து கொள்ளும்படி சபிக் ஜாபர்சேக் மீண்டும் தெரிவித்துள்ளார். ஆனால் நூர்பானு இதற்கு மறுப்பு தெரிவித்ததுடன், தனது கணவர் மற்றும் குழந்தைகளை பிரிந்து வரமுடியாது என்றும் கூறியுள்ளார்.
இதனால் கோபம் அடைந்த சபிக் ஜாபர்சேக் தான் மறைத்து வைத்திருந்த கத்தியை எடுத்து நூர்பானுவை சரமாரியாக குத்தி விட்டு ஓடிச் சென்றுள்ளார்.
இதில் படுகாயம் அடைந்து இரத்த வெள்ளத்தில் துடித்த நூர்பானுவை கோவண்டி பொலிஸார் மீட்டு சயான் வைத்தியசாலையில் அனுமதித்தனர்.
எனினும் சிகிச்சை பலனின்றி நூர்பானி உயிரிழந்துள்ளார். சம்பவம் குறித்து பொலிஸார் வழக்குப்பதிவு செய்து சபிக் ஜாபர்சேக்கை கைது செய்துள்ளனர். பின்னர் அவர் குர்லா நீதிமன்றத்தில் ஆஜர்படுத்தப்பட்டு நாளை வரை பொலிஸ் காவலில் வைக்கப்பட்டுள்ளா
விஜய் நடிப்பில் வெளிவந்த தெறி படம் வசூலில் புதிய சாதனை படைத்துள்ளது இந்த நிலையில தன்னுடைய 60வது படத்தின் வேலைகளை தொடங்கிட்டார் விஜய். பரதன் இயக்கும் அந்த படத்துடைய சூட்டிங் கடந்த மாதம் 11ம் தேதி பூஜையோடு சென்னையில தொடங்கியது.
ஆனால் முதல்கட்ட படப்பிடிப்பு மூன்று நாட்கள் மட்டும்தான் நடந்தது. இந்த நிலையில் இரண்டாம் கட்ட சூட்டிங்கை இன்றைக்கு சென்னை பின்னி மில்ல தொடங்கியுள்ளது படக்குழு.
இதில் விஜய் மற்றும் காமெடி நடிகர் சதீஷ் சம்மந்தப்பட்ட காட்சிகளை படமாக்கியுள்ளார்கள் அதோடு அங்கேயே ஓபனிங் பாடலையும் சூட் பண்ண இயக்குனர் திட்டமிட்டுள்ளாராம்.
விஜய்யின் 60வது படத்தில அவருக்கு ஜோடியா கீர்த்தி சுரேஷ் நடிக்கிறார். அதேபோல் வில்லன் ரோலில் ஜெகபதி பாபு மிரட்டப்போகிறார். பக்கவான கமர்ஷியல் பார்முலாவில் உருவாகவிருக்கும் இந்த படம் விஜய் ரசிகர்களுக்கு மீண்டும் ஒரு கில்லியாக இருக்கும் என்று சொல்கிறார்கள்.
விஜய் – பரதன் கூட்டணியில தயாராகும் புது படம் அடுத்த ஆண்டு பொங்கலுக்கு ரிலீஸ் பண்ண முடிவு செய்துள்ளார்கள்.
பாராளுமன்றத்தில் இடம்பெற்ற குழப்பநிலை தொடர்பில் ஐக்கிய தேசியக் கட்சியின் களுத்துறை மாவட்ட பாராளுமன்ற உறுப்பினர் பாலித்த தெவரப்பெரும மற்றும் ஐக்கிய மக்கள் சுதந்திர முன்னணியின் கம்பஹா மாவட்ட எம்.பி. பிரசன்ன ரணவீர ஆகியோருக்கு பாராளுமன்ற அமர்வுகளில் ஒரு வாரத்திற்கு பங்கேற்க முடியாது என கட்சித் தலைவர்கள் கூட்டத்தில் தீர்மானிக்கப்பட்டுள்ளது.
நமது சந்தோஷம், துக்கம் எதுவானாலும் அதை காட்டிக் கொடுப்பது கண்கள் தான்.
அப்படிப்பட்ட கண்கள் புத்துணர்ச்சியுடன் இருந்தால் தானே பார்க்க அழகாக இருக்கும்.
கண்களின் அழகை பராமரிக்க தினமும் எட்டு மணிநேரம் தூக்கம் மட்டுமல்லாமல் கால்சியம், விட்டமின்கள் நிறைந்த உணவை உட்கொள்ள வேண்டும்.
அதாவது பால், பால் உணவுகள், கீரை வகைகள், முட்டை, மஞ்சள் மற்றும் ஆரஞ்சு நிறப்பழங்கள் பச்சை காய்கறிகளை உட்கொள்ள வேண்டும்.
கண்களை நேரம் கிடைக்கும் போதெல்லாம் கடிகாரம் சுற்றும் முறையிலும், எதிர்முறையிலும் மூன்று முறை சுற்ற வேண்டும்.
மேலும் அருகில் உள்ள பொருட்களை பார்த்துவிட்டு தூரத்தில் உள்ள பொருட்களை பார்க்க வேண்டும்.
கட்டைவிரலை நடுவில் வைத்துக்கொண்டு அதனை இடமாகவும் வலமாகவும் விரலை மட்டும் நகர்த்தி தலையை திருப்பாமல் வெறும் பார்வையை மட்டும் திருப்பி பார்க்க வேண்டும்.
தினமும் இந்த பயிற்சியை தொடர்ந்து செய்தால் கண்கள் புத்துணர்ச்சியுடன் காணப்படும்.
நீண்ட நேரம் கணனி அல்லது தொலைக்காட்சி முன் அமர்ந்து வேலை பார்ப்பவர்கள் அடிக்கடி ஏதேனும் பச்சை வெளியைப் பார்க்கலாம் அல்லது கண்களுக்கு குளிர்ச்சி தரும் நீல நிறங்களை பார்க்கலாம்.
ஆரஞ்சு பழத்தை சாறாக பிழிந்து குளிர்சாதனப்பெட்டியில் வைத்து கட்டியான பின்னர் ஒரு துணியில் கட்டிக்கொண்டு கண்களுக்கு மேல் ஓத்தி எடுத்தால் கண்கள் குளிர்ச்சியாக இருக்கும்.
நீண்ட நேரம் கணினியை பார்ப்பதால் உண்டாகும் கண் எரிச்சலை போக்க, தூங்கும் முன் கண்களில் சிறிதளவு விளக்கெண்ணெய் விட்டு வந்தால் , நாளிடைவில் கண் எரிச்சல் குணமாகிவிடும்.
துபாயை சேர்ந்த கட்டுமான நிறுவனம் ஒன்று கடலுக்கு அடியில் சொகுசு வீடு ஒன்றை கட்டி வருகிறது. இந்த வீட்டின் மேல் பகுதி கடல் மட்டத்தில் இருந்து வெளியே இருக்கும்.
வீட்டின் உள்பகுதி கடலுக்கு அடியில் இருக்கும். இந்த வீட்டுக்குள் சென்றால் நீர்மூழ்கி கப்பலில் இருப்பது போன்ற உணர்வு ஏற்படும்.
மீன்கள் சுற்றி வலம் வரக்கூடிய சூழலில் கடலுக்கு அடியில் உள்ள வீட்டில் மக்கள் தங்கி மகிழலாம்.
கோடைக் காலம் என்பதால் எல்லோரும் தங்களுடைய காரில் ஏசி உபயோகிப்பதை வழக்கமாக கொண்டிருப்பார்கள்.
கார் ஓட்டும் போது ஏசி உபயோகிப்பது தவறல்ல. ஆனால் நிறுத்தப்பட்ட நிலையில் உள்ள காரில் ஏசி போட்டு உறங்குவது ஆபத்தில் முடிந்து விடும்.
பெரும்பாலும் நிறுத்தப்பட்டுள்ள காரில் ஏசி போட்டு உறங்குவதைத் தவிர்க்க வேண்டும். ஏனென்றால் கார் இன்ஜின் இயக்கத்தில் இருக்கும் போது வரும் புகையில் கார்பன் மோனாக்ஸைடு வெளியேறும்.
அவ்வாறு வெளியேறும் கார்பன் மோனாக்ஸைடு ஃபயர் வால், காரின் அடிப்பகுதி வழியாக காரினுள் வர வாய்ப்பு உள்ளது.
அவ்வாறு உள்ளே வரும் கார்பன் மோனாக்ஸைடை நாம் சுவாசிக்கும் போது நம் ரத்தத்தில் உள்ள திசுக்களுக்கு ஆக்சிஜன் குறைவாகக் கிடைத்து நமக்கு மூச்சுத் திணறல் ஏற்பட வாய்ப்பு உள்ளது. இது ஒரு கட்டத்தில் உயிருக்கே ஆபத்தாக முடியும்.
இது போன்ற அசம்பாவித சம்பவங்களைத் தவிர்க்க, காரினுள் ஏசியை போட்டு தூங்க நேர்ந்தால் காரின் கண்ணாடியை சற்று கீழே இறக்கிய நிலையில் வைத்து உறங்குவது நல்லது. அதாவது வெளிக்காற்று உள்ளே வந்து செல்லும் வகையில் இருந்தால் நச்சு பாதிப்பு குறையும்.
நிறுத்தப்பட்ட நிலையில் உள்ள காரில் ஏசி பயன்படுத்தும் போது ரீ சர்குலேஷன் மோடில் (Recirculation mode) வைப்பதைத் தவிர்க்க வேண்டும்.
இஸ்ரா மிஹ்ராஜ் முன்னிட்டு ஐக்கிய அரபுஅமீரகத்தில் வரும் வியாழக்கிழமை [ 05-05-2016 ] அன்றைய தினம் சம்பளத்துடன்
கூடிய பொது விடுமுறை தினமாக அறிவிக்கப்பட்டுள்ளதாக துபாயில் இருந்து வந்ததிருக்கும் செய்தி தெரிவிக்கின்றன.
இன்று முஸ்லிம் சமுகம் எதிர்நோக்கும் பாரிய பிரச்சினை இதுவே . கடந்த காலங்களில் குறைவாக இருந்த இப்பிரச்சினை இன்று சமூக்கின் சில பாரம்பரிய மரபுகளால் துரிதமாக வளர ஆரம்பித்துள்ளது.
இன்று முஸ்லிம் சமூகத்தில் இருக்கும் சில முறனற்ற மரபுகளால் ( சீதனம் ) இன்று முஸ்லிம் பெண்கள் பாரிய பிரச்சினைகளுக்கு உள்ளாக்கப்படுகின்றார்கள் . இந்தப் சிரச்சினைக்கு இலங்கை இந்திய முஸ்லிம் பெண்களே அதிகம் தள்ளப் படுகின்றனர் .
அண்மையில் நான் ஒரு சம்பவத்தை கேள்விப்பட்டேன் . ஒரு கிராமத்தில் பாரிய வறுக்கோட்டின் கீழ் வாழ்ந்த ஒரு குடும்பம் . அதில் தந்தை கூலி தொழில் செய்பவர். தாய் கடைகளுக்கு #அப்பம் சுட்டு விப்பவர் . இவர்களுக்கு வயது வந்த 3 பெண் பிள்ளைகளும் ஒரு ஆண் பிள்ளையும் உள்ளனர் . மூத்த பெண் பிள்ளைக்கோ வயது 25 . திருமணம் முடித்துவைக்கும் காலமும் நெருங்கி விட்டது . அந்தக் கிராமத்தில் திருமணம் முடித்து வைக்க வேண்டுமென்றால் வீடு , காணிகள் கொடுக்க வேண்டும் . இதனால் அந்தப் பெற்றோர் களுக்கு பாரிய கவலை எனது பிள்ளையை திருமணம் முடித்துக் கொடுக்க காணி , பூமி இல்லையே என்று
சிறிது காலத்தின் போது அந்தத் தந்தைக்கு வருத்தம் வந்து வைத்திய சாலையில் அனுமதிக்கப் படுகின்றார் . வைத்தியர்கள் கூறுகின்றார்கள் அவருக்கு #புற்றுநோய் என்று . இதனால் இன்னும் அந்தக் குடும்பத்திற்கு பொறுப்பு அதிகரிக்கின்றது இதன் அவருடைய பெண் பிள்ளை தனது தந்தையின் நோயைக் குணப்படுத்துவதற்கும் மற்றும் தனக்காக #வீடு கட்டவும் வெளிநாடு செல்வதற்கு நிர்ப்பந்திக்கப் பட்டாள் . அதனால் பணிப் பெண்ணாக அறபு நாடு பயனமானாள் .
பின்னர் அந்தப் பெண்ணுக்கு அன்னி ஆண்களுடன் பழகுவதற்கு சந்தர்ப்பம் கிடைக்கின்றது . பிள்ளை தனது குடும்பத்தை விட்டும் தூரப்படுத்தப்படுகின்றாள் .
இதுமாத்திரமல்ல இன்னும் அதிகம் உள்ளது திருமணம் முடித்த பெண்களும் இன்று வெளிநாடுகளுக் உழைப்பதற்காகச் சென்று அங்கு விபச்சாரத்திற்கு உட்படுத்தப் படுகின்றார்கள் .
இப்படி இப் பெண்கள் #வறுமையின் காரணமாக மத்திய கிழக்காசியா நாடுகளுக்கு பணிப் பெண்ணாக பணி புரிய நிர்ப்பந்திக்கப் படுகின்றார்கள் .
எனவே இது குறித்து எமது முஸ்லிம் சமூகம் அக்கறை கொள்ள வேண்டும் . அவ்வாறு அக்கறை கொள்ளாவிட்டால் முஸ்லிம் சமூகத்தில் ஏற்படும் விளைவு .
01) இஸ்லாமிய குடும்பக் கட்டமைப் சீர் குழையும்
02) வறுமையின் காரணமாக #களவு , விபச்சாரம் முஸ்லிம் சமூகத்தில் அதிகரிக்கும் .
#இதற்கான தீர்வு .
* முஸ்லிம் கிராமங்களில் வறுமை ஒழிப் நிறுவனங்கள் உருவாக்கப்பட வேண்டும் .
* முஸ்லிம் தனவந்தர்கள் முன்வர வேண்டும் . ( வறுமைக் கோட்டில் வாழ்வோரைப் பொறுப்பெடுக்க வேண்டும் )
Hafeesul Haq ( fathih )
